అంశం: చిత్ర కవిత
శీర్షిక : భూమికి పచ్చాని రంగేసినట్టు
కనుల కాంతికి సాలని ఆ సాగు’బడి’లో గదులనే మడులెన్నో……
వంగిన పైరనే ఊయలలో ఊగి ఆడిన దువ్వెనల ( బూగల) దండు…..
పైరు పచ్చపాన్పై ఆహ్వానిస్తుంటే ఆగేదెట్ల పానం….
అక్కడక్కడ కనిపించే ఆ చెట్లు ఆత్మీయంగా పలకరిస్తుంటే….
ఆ కమనీయ దృశ్యాన్ని నా కనుల కారాగారంలో బంధించబోగా…! కనిన ఆ కంచె కాపాడవచ్చెనా అన్నట్టు అనిపిస్తున్నది……..
అదొక ద్వీపమై….
సుట్టు సుందరమైన ఆ పొలాల నడుమ, నందనమైన నివాసం కొరకు కర్రలతో చేసిన ఆ గృహాలు , పైకి ఎక్కేందుకు నిచ్చెన మెట్లు స్వర్గానికి దారి చూపేలా ఉన్నాయి……
చిన్నా పెద్దా అంటూ తగువు పడుతున్నాయా అన్నట్టు,
ఆ తాటి తరువుల జంట….
ప్రకృతి ఒడిలో ఉండి పీల్చే ప్రతి శ్వాస స్వచ్ఛమైన గాలినిస్తుంటే…..
ఇంకేం కావాలి ఈ బతుక్కీ…
పేరు: ముక్కపల్లి సాగర్
ఊరు : పద్మనాభుని పల్లి ప్రభుత్వ డిగ్రీ & పీజీ కళాశాల సిద్దిపేట
చరవాణి :9866209436 హామీ: ఇది నా సొంత కవిత
